राजधानीमा दोहोरो फायरिङ : प्रहरीको गोलि लागि घाइते भएका लिम्बुको यस्तो छ अबस्था

63

काठमाडौं । काठमाडौंको रातोपुलमा प्रहरीले एक अभियुक्तलाई पक्राउ गर्न गोली चलाएको छ ।महानगरीय अपराध अनुसन्धान महाशाखाको टोलीले डकैती सम्बन्धी घटनामा मुछिएका राजन लिम्बुलाई पक्राउ गर्न गोली चलाएको हो । उनको खुट्टामा गोली लागेको छ ।पक्राउ गर्ने क्रममा भाग्न खोजेपछि गोली चलाउनु परेको प्रहरीले दाबी गरेको छ । उनी पनि हतियारसहित उपस्थित भएको महाशाखाले जनाएको छ । उनको साथबाट चाइनिज पेस्तोल र चार राउण्ड गोली भेटिएको प्रहरीको दाबी छ ।

महाशाखाका एसपी सोमेन्द्रसिंह राठौरले अनलाइनखबरलाई दिएको जानकारी अनुसार लिम्बुले पछिल्लो समय इटहरीमा रहेको एक्टिभ मनी ट्रान्फरका सञ्चालक सबिन दाहाललाई छुरा प्रहार गरेर ३ लाख रुपैयाँ लुटेका थिए । उनले यसअघि ६ वर्ष जेल बसेर छुटे का व्यक्ति हुन् ।थप अनुसन्धान जारी रहेको उनकाे भनाइ छ ।महानगरीय प्रहरी अपराध महाशाखाका अनुसार बायाँ खुट्टाको तिघ्रामा गोली लागेका लिम्बुलाई उपचारका लागि वीर अस्पताल पुर्याइएको छ । प्रहरीले लिम्बुका साथबाट टाइप फिफ्टीफोर नामक हति यार एकथान बरामद गरेको जनाएको छ।

कमेन्ट गर्नुहोस्
You might also like