बिएमडब्लूका पारखीहरुका लागि खुसीको खबरः अब नेपाली बजारमै सस्तोमा किन्न पाईने भयो बिएमडब्लू बाईक

13

जर्मन गाडी तथा मोटरसाइकल उत्पादक कम्पनी बिएमडब्लू मोटोराडले भारतीय बजारलाई लक्षित गर्दै टीभीएस मोटरसँगको सहकार्यमा मोटरसाइकल उत्पादन थालेको छ । भारतमा उत्पादित उक्त मोटरसाइकल नेपाली बजारमा आउने निश्चित भएको छ । बिएमडब्लू जी–३१० जीएसमा ३१३ सीसीको इन्जिन छ । सिंगल सिलिन्डर, लिक्विड–कूल, फ्यूल इन्जेक्सन इञ्जिनले ३४ बीएचपी पावर र २८ एनएम–टर्क जेनेरेट गर्छ । यस मोटरसाइकलमा ६ स्पीड गियरबक्स जडान गरिएको छ ।

जी–३१० जीएसको अधिकतम स्पीड १ सय ४३ किलोमिटर प्रतिघन्टा रहेको छ । भारतमा उत्पादित बिएमडब्लूका मोटरसाइकल टर्बो मोटरले नेपाली बजारमा ल्याउने तय भएको हो । बिएमडब्लूका मोटरसाइकल नेपाल ल्याउन ठूला व्यावसायिक घराना लागिपरेका थिए । तर, सबैलाई पछि पार्दै पञ्चकन्या समूह अन्तर्गतको टर्बो मोटरले बिएमडब्लूका मोटरसाइकल नेपाली बजारमा ल्याउने पक्का भएको हो । सुरुमा कम्पनीले भारतमा उत्पादन र बिक्री हुँदै आएको जी ३१० जीएस र जी ३१० आर दुई मोडल ल्याउने जनाएको छ ।

कमेन्ट गर्नुहोस्
You might also like